ტრენინგი - ენერგოეფექტურობა და კლიმატგონივრული საოჯახო პრაქტიკა

2021 წლის, 29 და 30 ნოემბერს, პოლონეთის სოლიდარობის ფონდი, ჩოხატაურის მუნიციპალიტეტთან და ენერგო ეფექტურობის ცენტრთან თანამშრომლობით გამართავს ტრენინგ კურსს თემაზე ენერგო ეფექტურობა და კლიმატ გონივრული საოჯახო პრაქტიკა.
ტრენინგში მონაწილეობის შესაძლებლობა აქვთ საჯარო მოხელეებს, აქტიურ მოქალაქეებს და სამოქალაქო სექტორის წარმომადგენლებს.
ტრეინინგის მიზანია, მსმენელებმა მარტივი ენერგოაუდიტის საშუალებით და ენერგოეფექტური და განახლებადი ენერგოტექნოლოგიების გამოყენებით შეძლონ ენერგომოხმარების და შესაბამისად, გარემოზე ზემოქმედების შემცირება. ტრენინგი მოიცავს როგორც თეორიულს, ასევე პრაქტიკულ ნაწილს, რომლის ფარგლებშიც მონაწილეები დაათვალიერებენ ზოტის საბავშვო ბაღს, სადაც ჩატარდა სარემონტო სამუშაოები და დამონტაჟდა მზის ელექტრო სადგურები.
ტრენინგში მონაწილეობის მისაღებად გთხოვთ, დარეგისტრირდეთ ქვემოთ მოცემულ ბმულზე.
https://docs.google.com/.../1FAIpQLSecvHPlFRLo75.../viewform
ტრენინგი გაიმართება 29 და 30 ნოემბერს ჩოხატაურის მერიის შენობაში. 10:00 დან 17:00 საათამდე. მონაწილეების კვება და ტრანსპორტირება ზოტში უზრუნველყოფილი იქნება ტრენინგის ორგანიზატორების მიერ.

ტრენინგი „ონლაინ გაყიდვები“

სსიპ საქართველოს ტურიზმის ეროვნულ ადმინისტრაციასა და „გერმანიის საერთაშორისო თანამშრომლობის საზოგადოებას“ (GIZ) შორის გაფორმებული შეთანხმების ფარგლებში, საქართველოს ტურიზმის მდგრადი განვითარების მხარდაჭერის მიზნით, დაგეგმილია ტრენინგის„ ონლაინ გაყიდვები“-ის ჩატარება გურიაში, ქვემო ქართლსა და რაჭაში.
აღნიშნული ტრენინგები, ხელს შეუწყობს რეგიონებში კონკურენტუნარიანი მომსახურებების განვითარებასა და ტურიზმის სფეროში დასაქმებულთა და დასაქმების მსურველთა კვალიფიკაციის ამაღლებას. ტრენინგ კურსი ჩატარდება სასწავლო ცენტრის, „თეგეტას აკადემიის“ ტრენერის - ლია მოშიაშვილის მიერ.
ტრენინგის ძირითადი თემატიკები:
 ონლაინ გაყიდვების არსი და როლი ბიზნესში
 ონლაინ გაყიდვების ეფექტური პლატფორმების შერჩევა
 ონლაინ გაყიდვების როლი პანდემიის დროს
 კონტენტ სტრატეგიის შექმნა
 მარკეტინგული და საკომუნიკაციო გეგმის წარმოება
 მომხმარებლის ქცევა/უკუკავშირი
 დროის მენეჯმენტი
ქვეყანაში არსებული ეპიდვითარებიდან გამომდინარე, სასაწავლო კურსი ჩატარდება ონლაინ, პლატფორმა ზუმის საშუალებით, 25 ნოემბრიდან - 15 დეკემბრის ჩათვლით. თითოეულ რეგიონში გადამზადდება 50-მდე ტურიზმის სფეროში დასაქმებული ადამიანი. ტრენინგის ხანგრძლივობა: 6 სთ (ორი დღე, დღეში 3სთ).

მეწარმეობის პრაქტიკული კურსი

სასწავლო/ტრენინგ კურსში - „მეწარმეობის პრაქტიკული კურსი - როგორ დავიწყოთ და განვავითაროთ სოფლად ბიზნესი“ მონაწილეობის მისაღებად
საქართველოს პარლამენტის აგრარულ საკითხთა კომიტეტი, ადგილობრივ მუნიციპალიტეტებთან (ლანჩხუთი, ჩოხატაური) თანამშრომლობით, სსიპ აწარმო საქართველოში, სსიპ სოფლის განვითარების სააგენტოსა და გაეროს ქალთა ორგანიზაციის (UN Wamen) მხარდაჭერით, აცხადებს კონკურსს სასწავლო/ტრენინგ-კურსში „მეწარმეობის პრაქტიკული კურსი - როგორ დავიწყოთ და განვავითაროთ სოფლად ბიზნესი“ მონაწილეობის მისაღებად ლანჩხუთისა და ჩოხატაურის მუნიციპალიტეტების სოფლებში მცხოვრები მეწარმეებისთვის.
სასწავლო კურსის მიზანია მეწარმეობის შესახებ თეორიული ცოდნის ამაღლება, სახელმწიფო პროექტების შესახებ ინფორმაციის გაზიარება და ბიზნესის წარმოების პრაქტიკული უნარების გაძლიერება.
ტრენინგში მონაწილეობის მიღება შეუძლიათ ლანჩხუთისა და ჩოხატაურის მუნიციპალიტეტებში მცხოვრებ მეწარმეებს, რომელთა ასაკი არის 18 წლის ზემოთ;
ვისაც აქვს ან სურს ბიზნესის დაწყება, აქვს მოტივაცია და გააჩნია ბიზნეს იდეა.
სასწავლო/სატრენინგო კურსი მოიცავს ერთდღიან ტრენინგენს ტითეულ მუნიციპალიტეტში, რომელიც გააერთიანებს სამ ძირიტად მოდულს:
1. სახელმწიფო პროექტების შესახებ ინფორმაციის მიწოდება
2. ბიზნეს მოდელის შემუშავება- ინდივიდუალური კონსულტაციების გაცემა
3. მეწარმეობის საბაზისო უნარები

• კურსის ბოლოს გაიცემა სერტიფიკატი. სერტიფიკატის მიღება დამოკიდებულია მსმენელის დასწრებასა და საბოლოო პრეზენტაციაზე.
• კურსის ხანგრძლივობა: 5 საათი
• პერიოდი: 24 - 25 ნოემბერი (24 ნოემბერი- ლანჩხუთი; 25 ნოემბერი- ჩოხატაური)
• ტრენინგის სამუშაო ენა - ქართული
• კურსში მონაწილეობას მიიღებს თითოეული მუნიციპალიტეტის მასშტაბით 50 პირი, რომელთაგან მინიმუმ 25 შერჩეული მონაწილე იქნება ქალი.
• კურსში მონაწილეობა არის უფასო.
• კონკურსში მონაწილეების შერჩევა მოხდება სააპლიკაციო ფორმების გადარჩევის გზით.
მსურველებმა უნდა შეავსონ შემდეგი სააპლიკაციო ფორმა:

https://docs.google.com/forms/d/1aFJo1EsOrWiqUwvCJ3hBj72p9mEk5tLwvvMvZbCTLPo/edit

დამატებითი შეკითხვების შემთხვევაში მოგვმართეთ: 555005651 თინათინ ოდილავაძე
აპლიკაციის მიღების ბოლო ვადა: 15 ნოემებრი, 2021 წელი

სიახლე მათთვის, ვისაც სურს კარიერული განვითარება და დასაქმებისთვის საჭირო უნარ-ჩვევების მიღება

გურიის რეგიონში - ოზურგეთში, ჩოხატაურსა და ლანჩხუთში ფუნქციონირებს სწავლებისა და დასაქმების ხელშეწყობის ცენტრი, რომელიც გთავაზობთ ინდივიდუალურ კარიერულ კონსულტაციას, გაძლევთ უნიკალურ შანსს შეხვდეთ საუკეთესო ტრენერებსა და დარგის სპეციალისტებს.
ცენტრში დაგეგმილია შემდეგი სასწავლო კურსები:
სამუშაოს მოძიების უნარების კურსი
ინგლისური ენის შემსწავლელი 6 თვიანი კურსი
კომპიუტერული უნარების შემსწავლელი კურსი
სამეწარმეო უნარების კურსი
რეგისტრაციისთვის ეწვიეთ ბმულს: https://forms.gle/bcmVq9mtHZev5PdYA
ცენტრის სერვისებით სარგებლობა არის სრულიად უფასო.
პროექტები ხორციელდება ევროკავშირის ფინანსური მხარდაჭერით “განათლება დასაქმებისთვის” (Skills4jobs) პროგრამის ფარგლებში, საქართველოს სტრატეგიული კვლევებისა და განვითარების ცენტრის (CSRDG), საქართველოს გაეროს ასოციაციისა
(UNAG) და საქართველოს ღია საზოგადოების ფონდის (OSGF) ორგანიზებით.
დამატებითი ინფორმაციისთვის დაგვიკავშირდით:
571 094 949; 595448 892; 557 923 579
This email address is being protected from spambots. You need JavaScript enabled to view it.
გ. ეპისკოპოსის 3, ოზურგეთი
ჩოხატაურის ოფისი:
555022935; 577594659
This email address is being protected from spambots. You need JavaScript enabled to view it.
სარეგისტრაციო ფორმა
docs.google.com

ტურისტული ბრენდი-ტურიზმის განვითარების შანსი

   დღეს 10 სექტემბერს 12:00 - ტურისტული ბრენდი - ტურიზმის გაძლიერების შანსი გურიასა და ევრორეგიონ ,,BYG”-შორის გამოცდილების გაზიარების მიზნით იმართება კონფერენცია. მსურველებს შეუძლიათ დასწრება Zoom პლატფორმის მეშვეობით: https://zoom.us/j/94719455760?pwd=REw0YmhJQUVCZU1ac2xMVW1DS1Mydz09

განცხადება

ჩოხატაურის მუნიციპალიტეტის მერია აწარმოებს სოფლის პროგრამით გათვალისწინებული სამუშოების შესყიდვაზე შესასყიდი ფასების მოკვლევას.
პრეტენდენტებმა, რომლებიც დაინტერესებულია აღნიშნული შესყიდვით ჩოხატაურის მუნიციპალიტეტის მერიის შესყიდვების სამსახურში ან ელექტრონული ფოსტის მისამართზე: This email address is being protected from spambots. You need JavaScript enabled to view it. უნდა წარმოადგინონ:
1. მიმართვა;
2. ამონაწერი მეწარმეთა და არეასამეწარმეო (არაკომერციული) იურიდიული პირების რეესტრიდან;
3. ანგარიშის ნომერი ბანკიდან;
4. ელექტრონული ფოსტის მისამართი;
5. საკონტაქტო ტელეფონის ნომერი;
ფასთა მოკვლევის წესი:
შესასრულებელი სამუშაოების სახარჯთაღრიცხვო დოკუმენტაცია განსაფასებლად ელექტრონული ფოსტის საშუალებით (This email address is being protected from spambots. You need JavaScript enabled to view it.) დაეგზავნება არანაკლებ სამ პრეტენდენტს, რომლებმაც უნდა წარმოადგინოს დოკუმენტაციის მიღების დღიდან 3 კალენდარული დღის ვადაში თავისი განფასებული ხარჯთაღრიცხვა, არაუმეტეს შესყიდვის სავარაუდო ღირებულებისა.
ხელშეკრულება დაიდება იმ პრეტენდენტთან, რომელიც დააფიქსირებს შესყიდვის დაბალ ფასს და დოკუმენტაცია წარმოდგენილი ექნება ხარვეზის გარეშე (ხარვეზიანი დოკუმენტი არ განიხილება). თუ პრეტენდენტების მიერ წარმოდგენილი ფასები იქნება ერთნაირი, მაშინ ხელშეკრულება გაუფორმდება იმ პრეტენდენტს, რომელმაც პირველმა გადმოაგზავნა დოკუმენტაცია ელექტრონული ფოსტის საშუალებით.
რეგისტრაციის ვადაა 2021 წლის 7 ივლისის ჩათვლით.

კურორტ ბახმაროს მოაგარაკეთა საყურადღებოდ!

  კორორტ ბახმაროში, მიმდინარე წლის საკურორტო სეზონამდე, ენერგო-პრო ჯორჯიას დაგეგმილი აქვს ახალ აშენებული ელექტრული ქსელის ჩართვა (პარალელურად ძველი ქსელის დემონტაჟის დაწყება) და მოაგარაკეთა ინდივიდულურ აბონენტებად რეგისტრაცია, რომლის შემდგომაც, მოხმარებული ელექტროენერგიის აღრიცხვა და ანგარიშსწორება მოხდება ინდივიდუალურად.
  ინდივიდუალურ აბონენტად რეგისტრაციის მიზნით, მოაგარაკემ შესაბამისი განაცხადით უნდა მიმართოს კომპანიას, რომელსაც თან უნდა დაურთოს უძრავი ქონების საკუთრების დამადასტურებელი დოკუმენტი.

გარემოზე ზემოქმედების შეფასების ანგარიშის საჯარო განხილვა

ჩოხატაურის მუნიციპალიტეტში, შპს „ენერჯი დეველოფმენტ ჯორჯიას" მდ. საშუალაზე 2,25 მგვტ
დადგმული სიმძლავრის ბუნებრივ ჩამონადენზე მომუშავე ჰესის, 35 კვ მიწისქვეშა
ელექტროგადამცემი ხაზის და 35 კვ ძაბვის ქვესადგურის მშენებლობისა და ექსპლუატაციის
პროექტი

დაგეგმილი საქმიანობის დასახელება: მდ. საშუალაზე 2,25 მგვტ დადგმული სიმძლავრის ბუნებრივ ჩამონადენზე მომუშავე ჰესის, 35 კვ მიწისქვეშა ელექტროგადამცემი ხაზის და 35 კვ ძაბვის ქვესადგურის მშენებლობა და ექსპლუატაცია;
დაგეგმილი საქმიანობის განმახორციელებელი: შპს „ენერჯი დეველოფმენტ ჯორჯია":
დაგეგმილი საქმიანობის განხორციელების ადგილი: ჩოხატაურის მუნიციპალიტეტი
დაგეგმილი საქმიანობის გარემოზე ზემოქმედების შეფასების ანგარიშის საჯარო განხილვის დრო და
ადგილი: 2021 წლის 24 ივნისი 15:30 საათი - ჩოხატაურის მუნიციპალიტეტი, სოფ. ხიდისთავის
ადმინისტრაციული ერთეულის შენობა
„გარემოსდაცვითი შეფასების კოდექსის” თანახმად, გარემოსდაცვითი გადაწყვეტილების მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო. გარემოზე ზემოქმედების შეფასების ანგარიშის საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს.
დაგეგმილი საქმიანობის გზშ-ის ანგარიშთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2021 წლის 8 ივლისის ჩათვლით, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: This email address is being protected from spambots. You need JavaScript enabled to view it.

განცხადება გარემოსდაცვითი გადაწყვეტილების მიღების თაობაზე

გარემოზე ზემოქმედების შეფასების ანგარიში 

არატექნიკური რეზიუმე

shp ფაილები

საჯარო განხილვა

სკოპინგის ანგარიშის საჯარო განხილვა - ჩოხატაურის მუნიციპალიტეტში, შპს „საქართველოს გაერთიანებული წყალმომარაგების კომპანიის“ კურორტ ბახმაროს წყალარინების სისტემისა და ჩამდინარე წყლების გამწმენდი ნაგებობის მშენებლობა და ექსპლუატაცია;
დაგეგმილი საქმიანობის დასახელება: წყალარინების სისტემისა და ჩამდინარე წყლების გამწმენდი ნაგებობის მშენებლობა და ექსპლუატაცია;
დაგეგმილი საქმიანობის განმახორციელებელი: შპს „საქართველოს გაერთიანებული წყალმომარაგების კომპანია“;
დაგეგმილი საქმიანობის განხორციელების ადგილი: ჩოხატაურის მუნიციპალიტეტი, კურორტი ბახმარო;
დაგეგმილი საქმიანობის გარემოზე ზემოქმედების შეფასების ანგარიშის საჯარო განხილვა: 2021 წლის 24 მაისი 15:00 საათზე ქ. ჩოხატაურის მერიის შენობა;
„გარემოსდაცვითი შეფასების კოდექსის” თანახმად, გარემოსდაცვითი გადაწყვეტილების მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო. აღნიშნულ სკოპინგის ანგარიშთან დაკავშირებით ქ. ჩოხატაურის მერიის შენობაში გაიმართება საჯარო განხილვა. საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს.
წარმოდგენილ სკოპინგის დოკუმენტაციასთან დაკავშირებით წერილობითი შენიშვნები და მოსაზრებები შეგიძლიათ წარუდგინოთ გარემოს დაცვისა და სოფლის მეურნეობის სამინისტროს 2021 წლის 24 მაისის ჩათვლით, მისამართზე: ქ. თბილისი, მარშალ გელოვანის გამზირი N6 ან ელ. ფოსტის მისამართზე: This email address is being protected from spambots. You need JavaScript enabled to view it.

სკოპინგის ანგარიში

ინფორმაცია ჩოხატაურის და ოზურგეთის მუნიციპალიტეტების ტერიტორიებზე დაგეგმილი 12 მგვტ დადგმული სიმძლავრის, ბახვი 1 ჰესის მშენებლობის და ექსპლუატაციის პროექტის სკოპინგის ანგარიშთან დაკავშირებით

შპს „სი-სი-ი-ეიჩ ჰაიდრო VI“-ს მიერ საქართველოს გარემოს დაცვისა და სოფლის მეურნეობის სამინისტროში წარდგენილი იქნა მდ. ბახვისწყალზე 12 მგვტ დადგმული სიმძლავრის, ბუნებრივ ჩამონადენზე მომუშავე ბახვი 1 ჰესის მშენებლობისა და ექსპლუატაციის პროექტის სკოპინგის ანგარიში (იხ. ლინკი https://mepa.gov.ge/Ge/PublicInformation/29333).
მიმდინარე წლის 16 აპრილს შპს „სი-სი-ი-ეიჩ ჰაიდრო VI“-მა ზემოაღნიშნულ პროექტთან საქართველოს გარემოს დაცვისა და სოფლის მეურნეობის სამინისტროში წარადგინა დამატებითი ინფორმაცია, რომელიც განთავსებულია სამინისტროს ოფიციალურ ვებგვერდზე (იხ. ლინკი: https://mepa.gov.ge/Ge/PublicInformation/31750)
დამატებითი ინფორმაციის სახით წარმოდგენილ დოკუმენტაციასთან დაკავშირებით წერილობითი შენიშვნები და მოსაზრებები შეგიძლიათ წარუდგინოთ გარემოს დაცვისა და სოფლის მეურნეობის სამინისტროს 2021 წლის 25 მაისის ჩათვლით, მისამართზე: ქ. თბილისი, მარშალ გელოვანის გამზირი N6 ან ელ. ფოსტის მისამართზე: This email address is being protected from spambots. You need JavaScript enabled to view it.

განცხადება დამატებითი ინფორმაციის წარმოდგენის შესახებ

თანდართული დოკუმენტაცია