ღამე მუზეუმში
977 წლიდან მუზეუმების საერთაშორისო საბჭოს ICOM-ის გადაწყვეტილებით მსოფლიოს 150 ქვეყანაში მუზეუმების საერთაშორისო დღეს აღნიშნავენ.
საქართველოში 2016 წლიდან ტარდება ევროპის საბჭოს მიერ ინიცირებული ყოველწლიური აქცია „ღამე მუზეუმში“. ღონისძიებამ ტრადიციული სახე მიიღო და მასში მთელი საქართველოს მასშტაბით თითქმის ყველა მუზეუმი და სახლ-მუზეუმია ჩართული.
აღნიშნულ აქციას ა(ა)იპ „არაფორმალური განათლებისა და კულტურული მემკვიდრეობის დაცვის ცენტრი“-ის ორგანიზებით, ჩოხატაურის მუნიციპალიტეტიც შეუერთდა.
„ერისიონის“ კონცერტი ხელოვნების სასახლეში.
დღეს, 17 მაისს, ჩოხატაურის მუნიციპალიტეტის ხელოვნების სასახლეში, ქართული ხალხური სიმღერისა და ცეკვის სახელმწიფო აკადემიური ანსამლი - „ერისიონის“ კონცერტმა სრული ანშლაგით ჩაიარა.
ახალგაზრდული კვირეული ჩოხატაურში.
საქათველოს დამოუკიდებლობის დღისადმი მიძღვნილი ახალგაზრდული კვირეულის ფარგლებში , 17 მაისს, ჩოხატაურის სასპორტო სკოლაში, ჭაბუკთა შორის ძიუდოს ღია ტურნირი გაიმართა.
ტურნირში მონაწილეობდა გურიისა და აჭარის რეგიონების სასპორტო სკოლების გუნდები.
გამარჯვებული სპორტსმენები დაჯილდოვდნენ სიგელებით, მედლებითა და თასებით.
ღონისძიება, ჩოხატაურის მუნიციპალიტეტის ა(ა)იპ სპორტისა და სპორტულ ღონისძიებათა ორგანიზების ცენტრის ორგანიზებით, მუნიციპალიტეტის მერიისა და საკრებულოს მხარდაჭერით ჩატარდა.
#გურია2018 #ჩოხატაური2018 #სპორტი
ფაროსანას წინააღმდეგ ბრძოლის კამპანია
ჩოხატაურის მუნიციპალიტეტის სოფლებში, ფაროსანას წინააღმდეგ ბრძოლის კამპანიის ფარგლებში, ტერიტორიების სპეციალიზებული ტექნიკით შეწამვლა და თერმული ნისლის ტექნოლოგიით დამუშავება აქტიურად მიმდინარეობს.
#გურია2018 #ჩოხატაური2018
150 ახალი ნაგავშემკრები კონტეინერი ჩოხატაურში
ჩოხატაურის მუნიციპალიტეტის მერიამ, მუნიციპალური განვითარების ფონდიდან, დამატებით 150 ცალი ნაგავშემკრები კონტეინერი მიიღო, რაც კიდევ უფრო გააუმჯობესებს მუნიციპალიტეტისა და ბახმაროს საკურორტო ზონის ტერიტორიაზე მყარი ნარჩენების მართვის პროცესს.
#გურია2018 #ჩოხატაური2018#ინფრასტრუქტურა2018
ზედამხედველობის სამსახურის რეიდი
ჩოხატაურის მუნიციპალიტეტის მერიის ზედამხედველობის სამსახურის თანამშრომლებმა დაბის ტერიტორიაზე გარე ვაჭრობის რეგულაციებთან დაკავშირებით რეიდი განახორციელეს.
#გურია2018 #ჩოხატაური2018
საინფორმაციო შეხვედრა ჩოხატაურის მერიაში
15 მაისს, ჩოხატაურის მუნიციპალიტეტის მერიისა და საკრებულოს სააქტო დარბაზში, საქართველოს თავდაცვის სამინისტროს, მეორე საარტილერიო ბრიგადის ბატალიონის მეთაურმა, მაიორმა გოჩა ძნელაძემ, თავის წარმომადგენლებთან ერთად საკონტრაქტო სამსახურში მოქალაქეთა გაწვევასთან დაკავშირებით საინფორმაციო შეხვედრა გამართა.
„ემსახურე საქართველოს“ კამპანიის ფარგლებში, საქართველოს თავდაცვის სამინისტრო შეიარაღებულ ძალებში იწვევს 18-დან 35 წლამდე ასაკის მოქალაქეებს და სთავაზობს 4-წლიანი საკონტრაქტო სამხედრო სამსახურის გავლას.
მსურველთა რეგისტრაცია 2018 წლის ზაფხულის ბოლომდე გაგრძელდება.
შეხვედრას ესწრებოდა მუნიციპალიტეტის მერი ირაკლი კუჭავა, მერის წარმომადგენლები ტერიტორიულ ერთეულებში, მერიისა და საკრებულოს თანამშრომლები.
#გურია2018 #ჩოხატაური2018
ფაროსანას წინააღმდეგ ბრძოლის კამპანია ჩოხატაურში
აზიურ ფაროსანასთან ბრძოლის მიზნით, ჩოხატაურის მუნიციპალიტეტში 4 ერთეული სპეციალიზებული ტექნიკა, ასევე საყანე ფართობების დასამუშავებლად 2 სატრაქტორე აგრეგატი იმუშავებს. მაღალი გამავლობის ტექნიკა უკვე მობილიზებულია და აქტიურად დაიწყებს მუშაობას მუნიციპალიტეტის ტერიტორიაზე.
მუნიციპალიტეტების მასშტაბით, შეიწამლება და თერმული ნისლის ტექნოლოგიით დამუშავდება სახელმწიფოს საკუთრებაში არსებული ტერიტორიები: სოფლების ტერიტორიები, სიმინდის ფართობები, სადაც აუცილებელია სპეციალიზებული ტექნიკის გამოყენება, ტყისპირა ზოლები „მოიზიდე და გაანადგურე“ სადგურების გამოყენებით, რათა დასახლებულ ტერიტორიებზე ტყიდან მავნებლის გავრცელება აღიკვეთოს.
აზიურ ფაროსანასთან ბრძოლის სამოქმედო გეგმა სურსათის ეროვნული სააგენტოს უფროსმა, ფაროსანასთან ბრძოლის საკოორდინაციო შტაბის წევრებთან, გურიის გუბერნატორთან და მუნიციპალიტეტების ხელმძღვანელ პირებთან ერთად, ადმინისტრაციული ერთეულების წარმომადგენლებს გააცნეს.
როგორც სურსათის ეროვნული სააგენტოს ხელმძღვანელმა ზურაბ ჩეკურაშვილმა აღნიშნა, სახელმწიფო რესურსი სრულად არის მობილიზებული მავნებლის საწინააღმდეგო ღონისძიებების დროულად ჩასატარებლად.
გუბერნატორის მერაბ ჭანუყვაძის განცხადებით, რეგიონში მობილიზებულია საჭირო რაოდენობის ტექნიკა, პრეპარატები, მიმდინარეობს აქტიური მონიტორინგი და მავნებლის კერების იდენტიფიცირება.
შეხვედრაზე ხაზგასმით აღინიშნა, რომ მავნებელთან ბრძოლის პროცესში, მნიშვნელოვანია მოსახლეობის ჩართულობა და ღონისძიებების კომპლექსურად გატარება.
#გურია2018 #ჩოხატაური2018 #ერთადვებრძოლოთფაროსანას
დავასუფთავოთ ჩოხატაური
23 აპრილს, ჩოხატაურის მუნიციპალიტეტში - კამპანია „დავასუფთაოთ საქართველოს“ ფარგლებში, საქართველოს მწვანეთა მოძრაობა/დედამიწის მეგობრები-საქართველოსა და ადგილობრივი თვითმმართველობის ორგანიზებით, მერიისა და საკრებულოს მხარდაჭერით, შვედეთის მთავრობის ფინანსური უზრუნველყოფით დასუფთავების აქცია გაიმართა.
„დედამიწის დღე“ პირველად 1970 წელს აღინიშნა მსოფლიო მასშტაბით და მილიონობით ადამიანი გამოვიდა ჩვენი პლანეტის - დედამიწის დასაცავად. ის ერთ-ერთი ყველაზე მასშტაბური გარემოსდაცვითი კამპანიაა და საკუთარი საცხოვრებელი გარემოს დაცვის მიზნით აერთიანებს მსოფლიო საზოგადოებას სხვადასხვა გარემოსდაცვითი ღონისძიების ჩასატარებლად.
2018 წლის დედამიწის დღის დევიზია: „პლასტიკის ერის დასასრული“
შემოგვიერდით!
დავასუფთაოთ საქართველო! დავასუფთავოთ ჩოხატაური! ჩვენი მუნიციპალიტეტი - ჩვენი პასუხისმგებლობაა!
#გურია2018 #ჩოხატაური2018 #დავასუფთავოთსაქართველო
თანასწორობის დღე №1 საჯარო სკოლაში
ჩოხატაურის მუნიციპალიტეტის №1 საჯარო სკოლაში, ერთა შორის თანასწორობისა და ტოლერანტობისადმი მიძღვნილი ღონისძიება გაიმართა, რომელსაც მუნიციპალიტეტის ხელმძღვანელი პირები და საგანმანათლებლო რესურსცენტრის წარმომადგენლები ესწრებოდნენ.
#გურია2018 #ჩოხატაური2018
ვაჟა აზარაშვილი ჩოხატაურში
20 აპრილს, ჩოხატაურის მუნიციპალიტეტის ხელოვნების სასახლეში, ცნობილი ქართველი კომპოზიტორის ვაჟა აზარაშვილის შემოქმედებითი საღამო გაიმართა.
#გურია2018 #ჩოხატაური2018
შემოგვიერთდით Facebook-ზე
გაზიარება
ბმულები
